Мянганы хөгжлийн зорилтуудын хэрэгжилтийн асуудлаарх Үндэсний 3 дугаар илтгэлийг танилцуулах ёслолын ажиллагааг нээж

Гадаад харилцааны сайд Г.Занданшатарын хэлсэн үг

Гадаад харилцааны сайд Г.Занданшатар БНХАУ-ын Хөхнуур мужийн Түвд үндэстний өөртөө засах Юйшу тойргийн 60 хүүхдүүдтэй уулзаж тэдэнд хандан үг хэлэв. Найрамдал зусланд амарч байгаа хүүхдүүд ойр дотно хүлээн авсан Монгол хүүхдүүд болон Монгол Улсын Засгийн газарт талархалаа илэрхийлээд, байгалын үзэсгэлэнт Монгол оронд ирээд олон найз нөхөдтөй болсон, их зүйл мэдэж сурж байгаадаа баяртай байгагаа хуваалцав. БНХАУ-ын Төрийн Зөвлөлийн Ерөнхий сайд Вэнь Зябаогийн Монгол Улсад хийсэн албан ёсны айлчлалын үеэр хоёр тал хэлэлцэн тохиролцсоны дагуу Монгол Улсын Ерөнхий сайд С.Батболдын урилгаар БНХАУ-ын Хөхнуур мужийн 60 хүүхэд 2010 оны 8 дугаар сарын 3-10-ны өдрүүдэд Олон улсын хүүхдийн Найрамдал төвд амарч байна.

Энэ оны 8 дугаар сарын 25-29-ний өдрүүдэд, Улаанбаатар хотноо болох Монгол-Вьетнамын Худалдаа, эдийн засаг, шинжлэх ухаан, техникийн хамтын ажиллагааны ЗГХК-ын ээлжит 14 дүгээр хуралдаантай холбогдуулан Ханой хот дахь Монгол Улсын Элчин сайдын яам, Вьетнамын Худалдаа аж үйлдвэрийн танхим, Хөдөө аж ахуй, орон нутгийн хөгжлийн яамтай хамтран “Вьетнам-Монголын худалдаа, хөрөнгө оруулалтын хамтын ажиллагааны боломж” сэдэвт бизнес уулзалтыг 8 сарын 5-ны өдөр зохион байгуулав.

Монгол Улсын Гадаад харилцааны сайд Г.Занданшатарын урилгаар НҮБ-ын Ерөнхий нарийн бичгийн даргын Шадар туслах, НҮБ-ын Хөгжлийн хөтөлбөрийн Захирагчийн орлогч бөгөөд НҮБХХ-иын Ази, Номхон далайн бүсийн товчооны захирал ноён Ажей Чиббер 2010 оны 8 дугаар сарын 5-9-ны өдрүүдэд Монгол Улсад  айлчилна.

Ерөнхий сайдын дэргэдэх “Хилийн чанад дахь Монгол Улсын иргэдтэй хамтран ажиллах зөвлөл”-өөс санаачилсан  "Эх орныхоо хөгжилд-бидний оролцоо" сэдэвт гадаадад байгаа боловсрол, мэргэжлээрээ манлайлагч монголчуудын анхдугаар чуулга уулзалт 2010 оны 7 дугаар сарын 19-ний өдөр Төрийн ордонд  Монгол Улсын Ерөнхий сайдын ивээл дор амжилттай  зохион байгуулагдлаа.

Монгол Улс, ОХУ-ын Буриад улсын хооронд хил орчмын хамтын ажиллагаанд их хувь нэмэр оруулсанд ГХЯ-ны ТНБД Д.Цогтбаатарт Буриад улсын Хүндэт жуух бичиг шагналыг ОХУ-ын Буриад улсын Засгийн газрын орлогч дарга Б.Г.Балжиров өнөөдөр ГХЯ-нд гардуулав.

Монгол Улсын Гадаад харилцааны сайд Г.Занданшатар мөн БНСВУ-ын Ерөнхий сайдын орлогч, Гадаад хэргийн сайд Фам Зиа Кхиемтэй уулзаж, Монгол, Вьетнамын хамтын ажиллагааны талаар санал солилцов. Уулзалтаар хоёр талын эдийн засаг, худалдааны харилцааг нэмэгдүүлэх, тухайлбал Вьетнам Монголоос мах, малын гаралтай түүхий эд импортлох, өргөн хэрэглээний бараа, ариун цэврийн бүтээгдэхүүн экспортлох боломж байгааг дурьдав.  Эдгээр боломжуудыг ашиглахад тухайлбал ирэх сарын сүүлээр Улаанбаатар хотноо болох ЗГХК-ын хурал тодорхой үүрэг гүйцэтгэнэ гэж найдаж байгаагаа талууд илэрхийлэв.

Гадаад харилцааны сайд Г.Занданшатар энэ сарын 22-23-нд БНСВУ-ын нийслэл Ханой хотноо болсон АСЕАН-ы Бүсийн чуулга- АРФ-ын сайд нарын 17 дугаар уулзалтанд оролцов.

Ханой хотноо энэ сарын 22-23-ны өдрүүдэд болж буй АСЕАН-ны бүсийн чуулга /ARF/-ын Сайд нарын уулзалтад оролцож байгаа Монгол Улсын Гадаад харилцааны сайд Г.Занданшатар энэ өдөр Япон Улсын  Гадаад хэргийн сайд К.Окада, ЕХ-ны төлөөлөгчдийг тэргүүлж буй БНУнгар Улсын Гадаад хэргийн сайд Мартоны Янош нартай тус тус уулзаж харилцаа, хамтын ажиллагааны асуудлаар санал солилцов.

Гадаад харилцааны сайд Г.Занданшатар 7 дугаар сарын 22-23-ны өдрүүдэд БНСВУ-ын Ханой хотноо болох АСЕАН-ы Бүсийн чуулга /АРФ/-ын Сайд нарын 17 дугаар уулзалтад оролцохоор мордлоо.