Монгол Улс, Бүгд Найрамдах Узбекистан Улсын ГХЯ-дын улс төрийн газрын захирлуудын хоёрдугаар зөвлөлдөх уулзалт саяхан Ташкент  хотноо болов. Зөвлөлдөх уулзалтаар хоёр орны харилцаа, хамтын ажиллагааны өргөн хүрээтэй асуудлууд, олон улсын болон бүс нутгийн асуудлаар санал солилцож, тодорхой  тохиролцоонд хүржээ. Тухайлбал хоёр улсын худалдаа, эдийн засгийн хамтын ажиллагааны хүрээнд хөдөө аж ахуй, байгаль орчны хамгаалал, усжуулалт, цөлжилттэй тэмцэх, зам тээвэр, дэд бүтэц, аялал жуулчлал зэрэг салбарын хамтын ажиллагааны хэтийн төлөвийг хоёр тал тохиролцов.
Монгол-Узбекстаны эдүгээ төслүүдээ нэгэнт солилцоод байгаа баримт бичгүүдийг эцэслэн байгуулах ажлыг түргэвчлэхээр хоёр тал тохиролцсон. Монгол Улсын Гадаад харилцааны яам, БНУзУ-ын Гадаад хэргийн яам хоорондын хамтын ажиллагааны 2011-2012 оны төлөвлөгөө байгуулах талаар тохиролцоонд хүрсэн байна. Ташкент хотноо Монгол, Узбекистаны бизнес-форумыг зохион байгуулахыг узбекийн талаас санал болголоо.
Мөн адил төстэй түүх, замналтай, соёлын өв уламжлал ойрын хувьд түүх, соёлоо хамтран судлах чиглэлд хамтран ажиллах, хоёр орны эрдэмтэд Монгол, Узбекистаны нутаг дээрх түүхийн хөшөө, дурсгалыг хамтран судлахыг дэмжихээ талууд илэрхийлэв. Монголын оюутнуудыг Узбект сургах, мөн айлын талаас цөөн тооны оюутан, мэргэжил дээшлүүлэгч хүлээн авч сургахад бэлэн байгаагаа манай тал илэрхийлэв.