Хорт хавдраар өвчлөх явдал дэлхий дахинд  газар авч, 2009 оны байдлаар 12 сая хүн хорт хавдраар өвчилсөн мэдээ байна. 2030 он гэхэд энэ тоо бараг 2 дахин нэмэгдэж 27 сая хүрч магадгүй, түүнээс 17 сая нь нас барна гэсэн таамаглал байдаг. Олон улсын Атомын энергийн агентлаг нь цацраг туяаг ашиглан хорт хавдрыг эрт илрүүлж, зөв оношлон эмчлэх чиглэлээр гишүүн орнууддаа зөвлөгөө, тусламж дэмжлэг үзүүлж ирсэн. 2004 онд ОУАЭА Хавдрын эмчилгээнд чиглэсэн үйл ажиллагааны хөтөлбөр буюу PACT хэмээх хөтөлбөрийг хөгжиж байгаа улс орнуудад зориулан хэрэгжүүлж байна.

Монгол Улсын Ерөнхий сайд С.Батболд 2010 оны 3 дугаар сарын 8-9-нд Бүгд Найрамдах Австри Улсын Вена хотноо байрлах НҮБ-ын төв, НҮБ-ын Үйлдвэр хөгжлийн байгууллага, Олон улсын атомын энергийн агентлаг, Европын аюулгүй байдал, хамтын ажиллагааны байгууллагын удирдлагатай уулзаж, Бүгд Найрамдах Унгар Улсын Ерөнхий сайд Байнаи Гордоны урилгаар мөн сарын 10-12-нд Бүгд Найрамдах Унгар Улсад албан ёсны айлчлал хийнэ.

Монгол Улсаас БНХАУ-д суугаа Элчин сайд Ц.Сүхбаатар 2010 оны 3 дугаар сарын 1-3-ны өдрүүдэд БНХАУ–ын ӨМӨЗО-д томилолтоор ажиллав. Монгол, Хятадын харилцаанд ӨМӨЗО-ы гүйцэтгэж буй чухал үүрэг ролийг харгалзан Элчин сайд орон нутагт хийх айлчлалаа тус ӨЗО-оос эхэлсэн болно.  Тус ӨЗО сүүлийн 8 жил Хятад улсад эдийн засгийн өсөлтийн хурдцаар тэргүүлж, нэг хүнд ноогдох эдийн засгийн зарим үзүүлэлтээр улсдаа тэргүүн эгнээнд явж байна.

Монгол Улсад тохиолдоод байгаа байгаль, цаг уурын хүндрэл бэрхшээлийг даван туулахад зориулан Япон Улсын Засгийн газар “өвсний үндэс” буцалтгүй тусламжийн хүрээнд 200 мянган ам.долларын тусламж үзүүлэх тухай гэрээнд энэ оны 3 дугаар сарын 5-ны өдөр Онцгой байдлын Ерөнхий газрын дарга, тэргүүн комиссар Ц.Амгаланбаяр гарын үсэг зурав. Түүнчлэн японы тал “Төслийн бус буцалтгүй тусламж”-ийн хуримтлалын сангаас нийт 500 мянган ам.долларыг зудын бэрхшээлийг даван туулахад зориулан зарцуулахаар шийдвэрлээд байгаагаа энэ өдөр мэдэгдлээ.

Соёл эрдэм дээд сургуулийн олон улсын сэтгүүл зүйн чиглэлээр суралцаж буй төгсөх ангийн оюутнууд багш нарын хамт өнөөдөр ГХЯ-ны мэдээллийн төвд зочилж Монгол Улсын гадаад бодлого, гадаад харилцааны талаар дэлгэрэнгүй мэдээлэл авсаны сацуу ГХЯ-ны үйл ажиллагааны онцлог, Монгол Улсын гадаад үйл ажиллагааг хэвлэл, мэдээллээр хэрхэн мэдээлж, сурталчилж байгаа, сэтгүүлчдийн анхаарах зүйлсийн талаар ГХЯ-ны Хэвлэл, мэдээллийн хэлтсээс болон Төрийн захиргаа, удирдлагын газраас зөвлөмж, таниулга хийж багш, оюутнуудын сонирхсон асуултад хариулав.

Монгол Улс, АНУ-ын Гадаад хэргийн яамд хоорондын улс төрийн зөвлөлдөх ээлжит уулзалт 2010 оны 2 дугаар сарын 26-ны өдөр АНУ-ын Вашингтон хотноо амжилттай болж өнгөрөв.

Энэ удаагийн уулзалтад Монголын талыг ГХЯ-ны Төрийн нарийн бичгийн дарга Д.Цогтбаатар, Америкийн талыг АНУ-ын Төрийн туслах нарийн бичгийн дарга Курт Кэмбэл нар тэргүүлэн оролцов.

2010 оны 2 дугаар сарын 25-ны өдөр Монгол Улсын Гадаад харилцааны дэд сайд Б.Болор Украин Улсын Элчин сайд Юрии Костенког Итгэмжлэх жуух бичгээ барьсантай нь холбогдуулан хүлээн авч уулзав.

Гадаад харилцааны яамны Төрийн нарийн бичгийн дарга Д.Цогтбаатар 2 дугаар сарын 25-ны өдөр Вашингтон хотноо АНУ-ын Төрийн туслах нарийн бичгийн дарга К.Кэмбэлтэй уулзахдаа хоёр талын харилцааны асуудлууд түүний дотор Монгол-Америкийн иж бүрэн түншлэлийн цаашдын төлвийн талаар санал солилцож ярилцав.

ГХЯ, НҮБ-ын Үйлдвэр хөгжлийн байгууллага (ЮНИДО)-тай хамтран 2010 оны 2 дугаар сарын 24-25-ны өдрүүдэд “Монгол Улсын үйлдвэржилтийн бодлого” сэдэвт семинар, хэлэлцүүлгийг  Улаанбаатар хотноо зохион байгуулав.

Гадаад харилцааны яам системийн хэмжээгээр малчдад туслах хөдөлгөөнийг өрнүүлж байна. ГХЯ-ны төв аппарат, ДБҮААГ, ГХОГ болон хилийн чанадад суугаа ДТГ-т ажиллагсад, Дипломат эмэгтэйчүүдийн клуб, гадаадад суугаа монгол иргэдээс нийт 20 гаруй сая төгрөгийн хандив өргөжээ. Мөн Хятад-Монголын найрамдлын нийгэмлэг 10000 юань, ОХУ-ын Камерево мужийн амбан захирагч А.Тулеев 500000 рублийн хандивыг манай ЭСЯ-даар дамжуулан ирүүлээд байна.